ما هو الصوت الداخلي؟
هو تلك الرغبة في صنع شىء وغالبا ما تكون عكس المألوف و تنقح عليك من وقت للتاني خاصة لما بتقابل أو تشوف حد أنجز حاجه شبيهه باللي صوتك الداخلي بيقولك عليها.
كل واحد ليه صوت داخلي ببساطه لاننا جوانا شخصين و غالبا الصوت الداخلي ده بيكون بتاع الشخص الروش اللي مش تقليدي جوانا, هتعرفه ازاي:
هتلاقيه بيحب البهججه و الإنبساط
معندوش مشاكل مع الناس عموما بس اللي بيجي عليه يبقى أمه داعيه عليه
ليه عالم خاص من المزاج وبيحب يعيش فيه
جدع و مبيحبش الظلم ولا الخيانة وبرده مبيحبش الخنقه
مبيعملش حساب اوي للناس ودائم الألش عليهم
دايما قافش على الشخصية الأولانيه بتاعتك و بيستهزء بيها و شايفها غلبانه و صعبانه عليه
بيطلع في اوقات الصفاء النفسي و البساطه والفرحه الحقيقية ووقت الازمات اللي بجد
بيحب المخاطره زي عينيه وراشق في أي مصلحه جديدة
فاهم إن الدنيا بتيجي مره واحده و مصمم إنه يعيشها.
بعد ده كله هو بيفضل ضعيف و الصوت الخارجي هو اللي بيمشي كلامه برده مع إنك تلاحظ يا أخي إن الصوت الداخلي بورم و مقطع السمكه وديلها من خلال سيرته الذاتيه اللي فاتت, طب ليه ده بيحصل؟!!!
هجمع أفكاري وأخلع من إبن الو.....خه اللي مثبتني ده وأكمل كلامي.
الصوت الجواني
No comments:
Post a Comment