انا بحب الفن اوى و كان نفسى اشتغل فى المجال ده لان الفن بيعبر عن اللى جوايا بالشكل اللى انا مش بقدر اعمله بشكل كويس و اقصد الفن على اختلاف فروعه, الشعر - التمثيل - الغناء - التأليف
ولان ده ما حصلش يعنى ان ربنالم يكتب لى ان اكون فى هذ المجال لذلك اتجهت الى انى اكون متفرج بس باستمتاع فاصبحت اللحظات التى اقضيها امام عمل فنى مميز تكون من افضل اللحظات التى اقضيها و لذلك سوف ابدء فى التعبير عن بعض الاعمال الفنيه التى اعجبتنى و تكون فرصه انى اعبر عما فى بداخلى تجاه هذه الرساله العظيمه ( رسالة الفن) التى ارى انها تؤثر فى الناس اكثر من اى شىء اخر
البوست ده عن فيلم
أمير الظلام
الفليم تمثيل الممثل القدير عادل الامام و يشاركه شيرين سيف النصر ويوسف داوود و توفيق عبد الحميد و بعض الشباب الصاعد و اخراج رامى امام
قصة الفيلم تدور حول بعض المكفوفين(لا يبصرون بأعينهم) ويعيشون فى دار للرعايه و صاحب هذ الدار متسلط و يحرمهم من ابسط حقوقهم على الرغم من ان مسئوليته الوحيده هى ان يرعاهم و يحقق لهم الراحه و تتوالى احداث الفيلم بعد ان ان يأتى الجنرال عادل امام الذى كان بطلا فى الحرب و كان طيارا مميزا لكنه اصيب بالعمى نتيجة لحادثه.
الفيلم فيه حاجات عجبتنى و هى
- الامل الذى يعيش به الجنرال ( عادل امام) برغم الاصابه و مقدرته على نقل هذا الامل لمجموعة الشباب البائسين فى الدار
- التسلط الذى يمارسه صاحب الدار(يوسف داوود) على المكفوفين لان لديهم عجز , والعجز متعدد فهناك شعوب بأكملها عاجزه و يتم ممارسة هذا التسلط عليها و ايهامها بأنها تأخذ حقوقها مع انها لا تأخذ الحد الأدنى من الحقوق
- وجود موهبه لدى بعض الشباب الموجود فى الدار بالرغم من العجز مثل العزف على العود , يعنى العجز ايا كان لا يحرم من وجود موهبه و كل انسان لديه قدرات مدفونه
- دور الجنرال فى الدفاع عن بلده بالرغم من عجزه رساله انه يجب على كل انسان ان يكون له دور فى نهضة بلده او اى شىء اخر حتى لو كان عنده عجز ايا كان نوع العجز
- اخيرا الاغنيه الرائعه للمطرب الرائع مدحت صالح ودى مقاطع منها (النور مكانه فى القلوب........... يا تكون اد الحياه يا تعيش غريب وسط الدروب........... المس خضار الشجر حس بضياء القمرانقش قلوب عالحجر على شىء ماتندمش......... فى ناس كتير ترضى المصير و ناس تشوف بضمير ضرير حلى مرار الايام لسه الحياه ادام قوم لون الاحلام و اوعى ما تضحكشى
يا ريت نسمعها
الى اللقاء فى عمل فنى اخر اعجبنى
5 comments:
بوست جميل يا ويكا وبالفعل الفن بشكل عام ولا سيما الميديا صوت وصورة بتأثر في الناس بمقام عشرتاشر خطبة ولا درس
ويمكن انا مستمتع فعلا تصديقا لكلامك بحكم ان شغلي قريب للحتي ده وحاسس اني ممكن اكون بعمل حاجه بتغير وتأثر في الناس وزي ما قلت لمحمد البنا قبل كده نفسي اشارك في عمل سينمائي يكسر الدنيا يكون فيه حد زي سامي يوسف
ودعواتك
علي ويكا بوست جميل وانا بأيد كلامك ان الفن ولا سيما الميديا يعني سيما وطرب وما شابه بأثر في الناس بشكل غير طبيعي وبأعداد كبيرة بمقام عشرتاشر خطبة ودرس
وده يمكن انا حسه لما اشتغلت في العين وبالفعل برغم اي مشاكل ممكن تواجهني بس مستمتع بشغلي وحاسس انه مؤثر بجد في الناس وللعلم انا عندي الأغنية وسمعتها جميلة فعلا
تحياتي يا ويكا
مش عارف يا ويكا انت شفت الفيلم الأصلى للعظيم آل باتشينو ولا لأ
اسمه عطر امرأة
يمكن لما تشوفه تقول كلام مختلف تماما
متابعين معاك على الخط
صباح الفل
على الفكرة اليوم 30/05/2007 و تحديدا الساعة 6:30 بتوقيت الرياض كنت عم بتفرج على الفلم... و كنت متضايق خاصة انه امور كثيرة صارت معي هذا السبوع لكن بعد ماخلص الفيلم و سمعت غنية مدجت صالح النور يكون بين القلوب .. شعرت براحة و حماس لواجهة الحياة من جديد.... شكرا
فراس
الاجنبي احلى بكثيييييييييييييييييير من فلم عادل امام
Post a Comment