ايها الجيش
لو سمحت احنا بأينا بنفهم آخر حاجة و مش عاجبنا حد و مش عايزين اوصياء و كمان لازم نستعرض قوتنا كل شوية و كمان احنا المدنيين هانعسكر الثورة و هانحمي العساكر اللى جايين يعتصموا جوه الميدان و نلبسك في الحيط و نخلي اللى ليه لازمة و اللى مالوش يركبك و يدلدل رجليه
ايها الجيش
خلاص احنا كبيرنا وفهمنا انك عندك فساد و انك ماتنفعش و احنا نجيب اربع خمس شخصيات ليبرالين يحكمونا و اكيد هايتفقوا على كل حاجة علشان هما ملايكة
ايها الجيش
خلاص الملعوب اتكشف و عرفنا انك مظبط مع طوب الأرض حتى مع البواب بتاع عمارة محمد داغر الله يرحمه و كل شوية نطلع عليك اشاعة
ايها الجيش
الثوار هما اللي بيحكوموا و على فكرة دي ثورة مش حاوريني يا كيكا ثورة ثورة يعني مش اى كلام و بصراحة هما عايزين يحكوموا و ده حقهم
ايها الجيش الحبيب
ارحل و اتركها لهم
ايها الرجل المحترم عصام شرف
ارحل و اتركها لهم
اللى يرفس النعمة تزول من وشه و اللي مايشوفش من الغربال يبقى أعمى
دي بقت حاجة تقرف و تخنق
No comments:
Post a Comment